كلنا بنجري ورا حلم المرح والانطلاق لأقصي الحدود.. بنهوي الخروج عن المألوف وبندور علي الحرية والانطلاق من غير حدود.. قليل مننا إللي بيقدر يحقق الحلم في حين بيقضي الكتير وقت طويل في ازاي يحققوه.. والأساس أنك تعرفي الحقيقة عن نفسك وتفهمي خباياها علشان تغيري إللي ينفع يتغير وتستمعي بأعلي درجات المرح والسعادة والانطلاق.. والسؤال.. هل بتحسي بالإنتعاش بدرجة كافية.. متستعجليش الإجابة.. جاوبي علي الأسئلة وهتتفاجئي بنتيجة غير متوقعة.. يمكن هتحتاجي تعيدي الاختبار في وقته أو مرة تانية والأكيد أنك هتشاركي به كتير من أصحابك
السؤال الأول:-
إيه احساسك لما بتصحي من النوم؟
(أ) بحس بأمل وسعادة ،النهاردة بداية جديدة ومستنيني مرح كتير
(ب) ابتسم شوية وأتعشم خير في اليوم
(ج) مافيش شعور محدد بالعكس بقوم كسولة في أغلب الاوقات واحيانا مش عايزة اقوم خالص
(د) ببقي مستعجلة وبحاول استعد لاعباء اليوم
السؤال الثاني:-
في طريقك للشغل، حصلت حادثة في الطريق السريع والمرور وقف إيه حيكون رد فعلك؟
(أ) عادي جداً، هقفل المحرك واسمع الراديو وأتسلي بالbbm
(ب) ماعنديش غير اني استني، وهزهق لو طال الوقت
(ج) هسيب العربية في أقرب مكان وهمشي للمكان إللي عايزة أروحه
(د) هفقد أعصابي، الموضوع مش مستدعي تأخير زيادة
السؤال الثالث:-
لما بتشتري منتجات العناية بالجسم والبشرة بيكون تركيزك علي:-
(أ) معطرات كتير ومستحضرات الحمام والأقنعة والسبراي ومستحضرات التنظيف والتقشير وغيرها.. الخ
(ب) بوازن ما بين مستحضرات العناية الاساسية والمنتجات الموسمية إللي مش بستخدمها يومياً
(ج) بحب السبراي والمعطرات والشاور جل وغيره وخصوصاً في الصيف
(د) مش بشتري غير منتجات التنظيف والكريمات المغذية
السؤال الرابع:-
في فصل الصيف، بتفضلي يكون اللوك الخاص بك:-
(أ) مستوحي من الطبيعة.. بشرة سمرا وخصلات متناثرة وماكياج برونزي
(ب) ألوان كتيرة وخصوصاً أنها موضة السنة دي
(ج) كلاسيك بقليل من البهرجة والألوان
(د) تغيير الفصول مش بيعني لي شيء العبرة بالشكل الذي بحبه في الوقت ده
السؤال الخامس:-
لما بتحسي بالملل، أول حاجة بتيجي ف بالك:-
(أ) حفلة راقصة ودوشة كتير
(ب) الرياضة اساسية لتغيير مزاجي
(ج) عشا هادي مع حد من اصحابي
(د) النوم أفضل حل
السؤال السادس:-
عندك مناسبة مهمة ووزنك زاد بطريقة ملفتة والوقت ضيق، إيه الحل في رأيك؟
(أ) مش مهم أنا جميلة في كل الأحوال.. هدور علي موديل فستان يناسب وزني دلوقتي
(ب) همشي علي ريجيم قاس ويمكن أخد أدوية للتخسيس
(ج) الموضوع مش بيعنيني كتير أنا لسه مقررتش اني اروح
(د) مش هاروح.. أنا مش حلوة وأكره أن ينتقدني الناس
السؤال السابع:-
بتواظبي علي زيارة الSPA بشكل دوري ومنتظم؟
(أ) طبعاً فالSPA جزء اساسي من روتيني الأسبوعي ولا يمكن أتنازل عنه مهماً كان
(ب) أحاول الانتظام والمداومة علي الأقل مرة واحدة شهرياً
(ج) باروح لما تيجي الفرصة
(د) الموضوع مش بيشغل بالي خالص في أمورتحتاج الإهتمام اكتر
السؤال الثامن:-
شعرك باهت وغير صحي.. والحل؟
(أ) أختار تسريحة تقلل من ظهوره بمظهر مش صحي
(ب) أعد لساعات أدام الانترنت علشان اشتري أحدث المنتجات العالمية للعلاج والوقاية
(ج) أقصه واستريح
(د) أروح للدكتور للعلاج
السؤال التاسع:-
تتعمد صديقتك استفزازك واحراجك وخصوصاً أمام صديقك بطريقة ساخرة.. رد فعلك يكون:-
(أ) عادي جداً.. هتقبل سخافتها علي اعتبارها هزار بايخ
(ب) هحاول الاعتدال، شوية أهذئها وشوية أفوت وأكبر دماغي
(ج) أقاطعها تماماً وأرفض أي مناسبة تجمعني معاهاً
(د) أرد سخافتها بأكتر ومش هسبلها الفرصة لمضايقتي بالعكس هضايقها أنا الأول
السؤال العاشر:-
الصيف ده.. لونك المفضل:-
(أ) البرتقالي الناري والأخضر الداكن
(ب) الفوشيا والأحمر والوردي بكل درجاتهم
(ج) البيج والأبيض دايماً للصيف
(د) أميل للألوان الغامقة صيفاً وشتاء
حصر الإجابات
اجابة رقم (1) 5 نقاط اجابة رقم (2) 4 نقاط اجابة رقم (3) 2 نقطة اجابة رقم (4 نقطة واحدة
أكثر من (45) نقطة:-
شعورك بالانتعاش مالوش مثيل . أنت شخصية منطلقة جداً ومرحة علي طول الخط. بتشدي الأنظار دايماً بخفة دمك وحيويتك والتغيير المستمر فيكي وعنايتك الكبيرة بكل الأمور الخاصة بيكي. ولكن خلي بالك فعدم اهتمامك بالأمور حواليكي بيوصل في بعض الأحيان لدرجة اللامبالاة وده بيخليكي موضع انتقاد المحيطين. بتحبي الدوشة ولمة الأصدقاء وأفضل سهراتك الحفلات الراقصة وحفلات الشوي. الألوان نارية وصارخة وتعشقي البهرجة بوجه عام ولفت الأنظار، من الصعب استفزازك. أنت عصبية جداً وحادة المزاج ونارية الطبع من السهولة ارضائك واعادة الهدوء إليك من جديد.
من (25) الي (45) نقطة:-
بتشعري بانتعاش كبير لكن الشعور بيه مش بيدوم علي طول الخط و كمان مش بتحاولي تجديده. لا جدال في انك شخصية مرحة لكنك معتدلة لدرجة كبيرة. بتوازني الأمور قبل ما تعمليها والصدفة والمغامرة ملهاش مساحة كبيرة جواكي. بتفضلي المزج ما بين الاسترخاء والانطلاق وراحة بالك بالدنيا. بتعشقي الطبيعة بكل صورها وألوانك دايماً صريحة وبتعشقي الأحمر الناري والأخضر الزهري والأزرق الوردي. أفضل سهراتك لعب الكوتشينة والبلاي ستيشن وأغلب ساعات اليوم بتقضيها علي البلاك بيري والفيس بوك. يسهل اقناعك بالمنطق وصعب في نفس الوقت ارغامك علي أي حاجة.
من (15) الي (25) نقطة
خلي بالك فأنت علي حافة الهاوية.. شعورك بالانتعاش ضئيل جداً فأنت نموذج تقليدي بنشوفه كل يوم. عندك روتين ثابت لحياتك ومش بتميلي بطبعك للتغيير. حياتك هادية عامة وقليل أوي اما تقومي بعمل أي تغييرات أو اضافات عليها. فيكي ملل ولكنك مش بتشعري دايماً به من كتر السكون إللي ايامك والعالم من حوالكي فيه. أنت رومانسية حالمة بتحبي تسمعي الأغاني العاطفية ودموعك قريبة جداً. حياتك بسيطة وبتقبلي علي الاساسي في كل شيء . مش بتشتري غير إللي بتحتاجيه ومش بيستهويكي صيحات الموضة وحنون الشوبنج. خلي بالك تمشي ورا للرتابة والروتين فالملل جاي ويمكن يتحول بيكي الأمر بمرور الوقت لحالة نفسية مزمنة.
أقل من (15) نقطة
مش بتشعري بأي انتعاش ولا أي شعور بالانطلاق ولا حتي الرغبة فيه. مش بتقبلي علي التجديد أياً كانت صوره ومافيش للتغييرمساحة ولو صغيرة في حياتك.نظرتك للحياة والأمور عايزة تفاؤل كتيرأنت بتنفعلي وبتزعلي بسرعة ولو لأتفه الاسباب والمنطق بالنسبالك وسيلة لفلسفة الأمور. أياً كانت طريقة رضاكي فالنتيجة النهائية صفر.. حاولي التغيير من نفسك علشان تستمتعي ولو بشوية من الانتعاش خلال فصل الصيف.
نحتاج يومياً لمعرفة كل ما يدور في العالم من حولنا فالأحداث تتلاحق في سرعة كبيرة والموضوعات تتنوع علي نحو بالغ وهناك في كل لحظة العديد من الأخبار والأحداث والموضوعات الجديدة في شتى المجالات التي تهم كافة أفراد الأسرة من نساء ورجال وأطفال وشباب
